The Money Game Behind Champions Trophy – How ICC, Host Countries & Fans Earn Big!

This Newsletter Is Powered by

Hey Buddies,

To Kaise Ho, Achhe Hi Hoge. To Aisa Sunne Me Aya Hai Ki 19 Feb Se Champions Trophy Shuru Hone Wala Hai, To Tum Kis Team Ko Support Kar Rahe Ho Areee Sorry Sorry!

Obviously India Ko Hi Support Karoge Lekin Sirf Team Ko Support Hi Karoge Ya Fir Is Tournament Se Kuchh Apna Bhi Fayeda Karoge. Yani Is Tournament Ke Zariye Tum Paisa Kaise Kamaoge. Nahi Samjhe Chalo Samjhata Hu. Pahle Thora Sa Is Tournament Ke Bare Me Jan Lo.

Champions Trophy

Champions Trophy Icc (International Cricket Council ) Ke Dwara Organize Kiya Jata Aur Ye Ek One Day International (ODI) Format Ka Tournament Hai.

Ye Cricket Ka Dusra Sabse Prestigious Tournament Mana Jata Hai Jo Ki Cricket World Cup Ke Bad Sabse Important Hai. Ye 8 Teams Jo Ki ODI Ranking Me Top Pea Ate Hai Unke Bich Me Khela Jata Hai.

Jinhe 2 Groups Me Bata Jata Hai Each Team Me 4-4 Teams Hote Hai. Har Team Ko Apne Group Ke 3 Teams Ke Sath 1-1 Match Khelna Hota Hai. Har Group Se 2 Team Semi Final Me Pahuchti Hai.

Fir Jo Last Me 2 Team Final Me Pahuchti Hai Unme Se Trophy Winner Hoti Hai Or Unhe Cup Milta Hai.

Ye To Ho Gayi Tournament Or Matches Ki Bat Ab Aate Hai Mudde Par To Mudda Kya Hai, Kaise Is Tournament Ke Host Country Ko Is Se Fayeda Hota Hai Or Kaise Aam Aadmi Iske Jariye Paisa Bana Sakta Hai.

Champions Trophy Se Host Country Ko Kya-Kya Fayda Hota Hai?

Tourism Sector Ka Bada Boost

• Host Country Me Tourism Ka Boom Aata Hai, Kyunki Har Country Se Fans Aur Teams Aati Hain.

• Yeh Hospitality Sector (Hotels, Resorts, Restaurants), Travel Agencies, Taxi Services Aur Airlines Ke Liye Faidemand Hota Hai.

• Bahar Se Aane Wale Log Sirf Matches Nahi Dekhte, Balki Host Country Ke Famous Tourist Spots Bhi Visit Karte Hain, Jo Tourism Industry Ko Aur Strong Banata Hai.

Example -
Agar Pakistan 2025 Me Champions Trophy Host Karta Hai, To Lahore, Karachi, Islamabad Jaise Shehron Me Hotels Aur Restaurants Ka Business 50% Tak Badhne Ka Chance Hai.

Stadium Ticket Sales Se Crores Ka Revenue

• Match Tickets Ki Bikri Se Host Country Aur Stadium Authorities Ko Crores Ka Fayda Hota Hai.

• VI Tickets, Corporate Boxes Aur Hospitality Packages Ke Rates Kaafi High Hote Hain, Jo Stadium Management Aur Local Government Ko Paisa Kama Ke Dete Hain.

• Stadium Ke Andar Food Stalls, Drinks, Official Merchandise Ki Bhi Zyada Sales Hoti Hai.

• Example:
  Agar Ek Stadium Me 50,000 Log Aate Hain Aur Ek Ticket Ka Average Price ₹2000 Hai, To Sirf Ek Match Ka Ticket Revenue ₹10 Crore Ho Sakta Hai!

Broadcasting Rights Se Billion-Dollar Economy Boost

• ICC TV & OTT Platforms (JioHotstar, Star Sports, Sony, Sky Sports, ESPN) Ko Broadcasting Rights Bechta Hai.

• Broadcasting Revenue Me Host Country Bhi Ek Percentage Share Leti Hai.

• Isse TV Channels, Production Companies Aur Local Broadcasters Ko Bhi Fayda Hota Hai.

Example - ICC Ne 2017 Champions Trophy Ke Broadcasting Rights $1.1 Billion Me Beche The, Jisme Host Country Ko Bhi Bada Hissa Mila.

Sponsorships & Advertising Industry Ka Growth

• Badi Companies Jaise Pepsi, Coca-cola, Byju’s, Oppo, Vivo, Dream11, Etc. Champions Trophy Ke Sponsor Bante Hain.

• Yeh Brands Stadium Me Banners, TV Ads, Jersey Sponsorships Aur Player Endorsements Ke Through Paisa Lagate Hain.

• Isse Host Country Ke Media Aur Advertising Industry Ko Bada Economic Boost Milta Hai.

Example:
Pepsi Ne 2017 Champions Trophy Ke Liye ₹400 Crore Ka Sponsorship Deal Sign Kiya Tha!

Local Business Aur Employment Ka Growth

• Stadium Aur Match Venues Ke Pass Log Apne Business Badha Sakte Hain.

• Local Vendors, Taxi Drivers, Hotel Staff, Event Managers, Tour Guides Aur Freelancers Ka Kaam Aur Paisa Dono Badhta Hai.

• T-shirt Sellers, Keychains, Posters, Flags Banane Wale Businesses Bhi Match Ke Dino Me Zyada Profit Kama Sakte Hain.

Example:
Har Match Ke Time Stadium Ke Bahar Food Stalls Me 30-40% Zyada Sales Hoti Hai.

Common Man Champions Trophy Se Kaise Kama Sakta Hai?

Fantasy Cricket (Dream11, MPL, My11Circle, etc.)

• Agar Tumhe Cricket Ka Acha Knowledge Hai, To Fantasy Cricket Me Teams Bana Kar Paisa Kama Sakte Ho.

• Har Match Me Prizes ₹10 Lakh Se ₹1 Crore Tak Hote Hain.

• Lekin Sirf Expert Analysis Wale Log Yaha Jeet Sakte Hain, Bina Knowledge Ke Paisa Lagana Risky Ho Sakta Hai.

YouTube & Instagram Pe Cricket Content Banakar Paisa Kamao

• Match Analysis, Funny Memes, Expert Predictions, Live Reactions, Aur Commentary Jaise Videos Bana Sakte Ho.

• YouTube Pe Ads Aur Sponsorship Se Monthly ₹50,000+ Kama Sakte Ho.

• Instagram Pe Reels Aur Memes Viral Kar Ke Paisa Kama Sakte Ho.

Match Day Pe Local Business Start Karo

• Food Stalls, Parking Services, Local Taxi Service Ka Kaam Stadium Ke Pass Kar Sakte Ho.

• Jersey, Keychains, Flags, Posters Bech Kar Bhi Profit Kama Sakte Ho.

• Agar Tumhe Cooking Aati Hai, To Match Day Pe Snacks Aur Cold Drinks Bech Ke Paisa Kama Sakte Ho.

Example:
Ek Food Stall Stadium Ke Bahar Match Day Pe ₹20,000 Tak Kama Sakta Hai!

Freelancing & Online Work Se Kamao

• Agar Tumhe Graphic Designing, Video Editing, Content Writing Aata Hai, To Cricket Creators Ke Liye Kaam Kar Sakte Ho.

• Bahut Saare Youtubers Aur Instagram Pages Video Editors Aur Thumbnail Designers Hire Karte Hain.

Conclusion - Champions Trophy Se Sabko Fayda!

Host Country Ki Economy Ko Multi-billion Dollar Boost Milta Hai. Hotels, Restaurants, Transport, Local Businesses Aur Job Market Me Growth Hoti Hai.

Broadcasting, Sponsorship Aur Advertising Industry Ka Revenue Badhta Hai.

Agar Koi Aadmi Iske Bare Me Achhi Knowledge Rakhta Hai Or Is Se Paisa Banana Chahte Hai To Bare Aaram Se Paisa Kama Sakta Hai.

Common Man Bhi Fantasy Cricket, Youtube, Local Business, Aur Freelancing Se Paisa Kama Sakta Hai.

Lekin Fantacy Cricket Risky Ho Sakta Hai To Bina Knowledge Ke Isme Utarna Kisi V Tarah Se Sahi Nahi Hai .

Tournament Ka Format Simple Hai—8 Teams, Group Stage, Semifinals, Aur Final.